Síðan undrast menn að flokksmönnum fækki!!!

Held að ég þurfi ekki að segja neitt meir en ég hef sagt það áður inn í þröngan hóp en segi það nú aftur.

Framskóknarflokkurinn er að fremja hægt og sársaukafullt sjálfsmorð með innanflokks erjum og spillingu.

Það er að visu sem betur fer enn hægt að finna heiðarlega framskóknarmenn en þeim fer fækkandi, sérstaklega á höfuðborgarsvæðinu.

Björn Ingi Hrafnsson hefur opinberlega viðurkennt mistök í Rei málinu, einhverja hluta vegna er hans nafn oftar en ekki nefnt í sömu andrá og erjur og spilling, skyldi það vera tilviljun eða eitthvað annað og miklu meira.

Tja maður spyr sig og veit ekki mikið, nema það að strákurinn er flottur í tauinu ;)

Flokksforustan stendur að baki Birni Inga

Athugasemdir

[Gunnlaugur Ingvarsson (IP-tala skráð) 21.1.2008 kl. 17:21]

Já þetta eru nú meiri hjaðningarvígin á Framsóknarheimilinu.

Þetta minnir um margt á B-éaðan vargfuglinn. Þegar herðir að með æti þá fara þeir að krafsa og gogga hverjir í annan. Það er akkúrat það sem er að ske hjá Framsókn núna. Eftir að flokkurinn fékk verðskuldaða útreiðina í síðustu kosningum, rúinn fylgi og trausti, datt svo vitanlega útúr langri ríkisstjórnarsetu þar sem setið hafði verið lengi við kjötkatlana og bitlingum og öðrum gæðum ómælt deilt út til gæðingana. Bingi og Guðjón Ólafur voru svosem upphaflega báðir saman í þessari sömu spillingarklíku, en þá var líka nóg að bíta og brenna. Nú þegar harðnað hefur á dalnum og eftir aðeins sviðin jörðin, þá sverfur að og þá verður þetta nákvæmlega eins og hjá Béuðum vargfuglinum. Já x-Béuðum vargfuglinum.

Ég held við ættum bara að láta þá báða sjá um að tortíma sér og flokknum. Þetta lið er ekki á vetur setjandi.  Já og farið hefur nú fé betra.  Þarna hafa vaðið uppi og komist til æðstu metorða hver tækifærissinnin og uppskafningurinn á fætur öðrum, eins og báðir þessir kónar, Þeir Guðjón Ólafur og Björn Ingi eru lýsandi dæmi um. Og þannig er með nánast allan þennan litla stofni sem eftir er, sýktur og spilltur, líkt og þessir kónar tveir. 

Því miður, svona hrikalega er nú komið fyrir þessum aldna fornfræga flokki Jónasar frá Hriflu.

Því fer best á því að þeir sjái sjálfir um að útríma sér. 

Síðan þegar um færi að hægjast og  til að Framsókn lognaðist nú ekki alveg útaf, þá gætu landsmenn sameinast um það að alfriða þá Guðna og Bjarna Harðar, einu almennilegu og ærlegu Framsóknarmennina sem eftir eru í þessum flokki. 

Þeir gætu síðan með tíð og tíma kanski alið af sér sæmilega hreinræktaðan og heiðarlegan Framsóknarstofn.